आयुक्त गुडेवार : १४ एप्रिल रोजी बक्षीस वितरणअमरावती : डॉ. बाबासाहेब आंबेडकर यांच्या १२५ व्या जयंती निमित्ताने महापालिका क्षेत्रातील पदवी ते पदव्युत्तर विद्यार्थ्यांनाही ३ एप्रिल रोजी २०० मार्कची परीक्षा घेण्यात येईल व स्पर्धेचे बक्षीस वितरण १४ एप्रिल रोजी करण्यात येईल, असे महापालिका आयुक्त चंद्रकांत गुडेवार यांनी शनिवारी सांगितले. महापालिकेच्यावतीने भारतीय राज्य घटना, डॉ. बाबासाहेब आंबेडकर यांचे जीवनचरित्र व त्यांची ग्रंथसंपदा या विषयावर २०० मार्काची परीक्षा ३ एप्रिल रोजी घेण्यात येईल. सकाळी ११ ते १ या वेळात ही परीक्षा होईल व १४ एप्रिल या जयंती दिनी विजेत्यांना बक्षीस वितरण करण्यात येईल. या परिक्षेमध्ये प्रथम क्रमांक पटकाविणाऱ्या विद्यार्थ्याला २५ हजार, द्वितीय क्रमांक १५ हजार व तृतीय क्रमांकासाठी १० हजार रूपयांचे बक्षीस महापालिकेद्वारा देण्यात येईल, असे आयुक्तांनी सांगितले. यावेळी स्थायी समितीचे सभापती विलास इंगोले, काँग्रेसचे पक्षनेते बबलू शेखावत उपस्थित होते. (प्रतिनिधी)
डॉ. बाबासाहेबांच्या जयंतीनिमित्त स्पर्धा
By admin | Updated: January 25, 2016 00:22 IST