अमरावती : जिल्हा युवक काँग्रेसच्यावतीने शुक्रवारी पंतप्रधान नरेंद्र मोदी यांच्या वाढदिवशी बेरोजगारी दिन साजरा केला. केंद्र सरकारच्या रोजगारविषयक धोरणांचा निषेध पकोडे बेचो आंदोलनाने करण्यात आला.
जिल्हाध्यक्ष पंकज मोरे यांच्या नेतृत्वात युवक काँग्रेस पदाधिकारी व कार्यकर्ते एकत्र आले होते. केंद्रातील भाजप सरकारने वर्षाला दोन कोटी रोजगार देण्याचे आश्वासन दिले होते. या गंभीर प्रश्नाकडे लक्ष वेधण्यासाठी पंतप्रधान नरेंद्र मोदी यांच्या वाढदिवसानिमित्त बेरोजगार दिन साजरा करून पकोडे बेचो आंदोलन करण्यात आले. याप्रसंगी पंकज मोरे यांच्यासह प्रदेश युवक काँग्रेस महासचिव राहुल येवले व सागर देशमुख, सचिव समीर जवंजाळ, अमरावती विधानसभा अध्यक्ष नीलेश गुहे, मेळघाट विधानसभा अध्यक्ष यशवंत काळे, बडनेरा विधानसभा अध्यक्ष योगेश बुंदेले, जिल्हा महासचिव रोहित देशमुख व सागर यादव, एनएसयूआय जिल्हाध्यक्ष संकेत कुलट, जिल्हा महासचिव अक्षय बांते, वैभव देशमुख, जिल्हा प्रवक्ता आशिष कांबळे, उपाध्यक्ष गुड्डू हमीद, विक्रम राऊत, महासचिव तन्मय मोहोड, मोहित भेंडे, केदार भेंडे, प्रवीण सवाई, आकाश मेहरे आदी सहभागी झाले होते.