अमरावती : जिल्हा ग्रामीण काँग्रेस कमेटीच्यावतीने शुक्रवारी माजी पंतप्रधान राजीव गांधी यांच्या पुण्यतिथीनिमित्त आदराजंली वाहण्यात आली.
जिल्हा कॉंग्रेसचे अध्यक्ष बबलू देशमुख यांच्या अध्यक्षतेखाली पार पडलेल्या या कार्यक्रमाला माजी आमदार वीरेंद्र जगताप, आमदार बळवंत वानखडे यांची प्रमुख उपस्थिती होती. याप्रसंगी दिवंगत खासदार राजीव सातव यांनाही आदरांजली वाहण्यात आली. यावेळी आमदार बळवंत वानखडे, माजी आमदार वीरेंद्र जगताप यांनीही राजीव गांधी यांच्या कार्यावर मनोगत व्यक्त केले.
याप्रसंगी जिल्हा,तालुका व शहर कॉंग्रेस तर्फे सॅनिटायझर,मास्कचा समावेश असलेल्या कोरोना प्रतिबंधात्मक किटचे वाटप नागरिकांना करण्यात आले. रुग्णांना बेड, ॲम्बुलन्स, औषधोउपचार व जेवणाबाबत कार्यकर्त्यांनी व्यवस्था करण्यासाठी धावपळ करावी, अशी सूचनाही बबलू देशमुख यांनी दिली. याप्रसंगी हरिभाऊ मोहोड, छाया दंडाळे, प्रदीप देशमुख, प्रकाश काळबांडे, जयंत देशमुख, दयाराम काळे, बाळासाहेब हिंगणीकर, सुरेश निमकर, भैयासाहेब मेटकर, अभिजित देवके, संदीप आमले, संजय लायदे, पंकज मारे, संजय वानखडे, अमोल ठाकरे, विशाल भट्टड, समाधान दहातोंडे, भागवत खांडे, बिटू मंगरोळे, बबलू बोबडे, विठ्ठल सरडे, अमोल धर्माळे, शिवाजी देशमुख, बच्चू बोबडे, सुधीर देशमुख, नीरज कोकाटे, प्रभाकर तराळ आदी उपस्थित होते.