अभिवादन; निवडक पदाधिकारी व कार्यकर्त्याची उपस्थिती
अमरावती : महाराष्ट्राचे लोकनेते दिवंगत विलासराव देशमुख यांचा सरपंच ते मुख्यमंत्री आणि शेवटी केंद्रीय मंत्री असा राजकीय प्रवास काँग्रेस कार्यकर्त्यांसाठी व महाराष्ट्रासाठी प्रेरणादायी असल्याचे मत जिल्हा काँग्रेसचे अध्यक्ष तथा जिल्हा परिषदेचे अध्यक्ष बबलू देशमुख यांनी व्यक्त केले.
जिल्हा काँग्रेस ग्रामीण तर्फे आयोजित दिवंगत लोकनेते विलासराव देशमुख यांची जयंती व बुध्द जयंती निमित्त आयोजित कार्यक्रमात ते बोलत होते.कार्यक्रमाच्या प्रारंभी लोकनेते दिवंगत विलासराव देशमुख व गौतम बुद्ध यांचे प्रतिमेचे पूजन व हाराअर्पण करून अभिवादन करण्यात आले.
कार्यक्रमा प्रसंगी विश्वाला शांतीचा संदेश देणारे व न्याय समता बंधुता प्रेम त्याग अशी भावना रुजवणारे गौतम बुद्ध यांच्या जयंतीनिमित्त बबलू देशमुख यांनी मनोगत व्यक्त केले. याप्रसंगी नागरिकांसह काँग्रेस कार्यकर्त्याना सॅनिटायझर व मास्क चे वाटप करण्यात आले या कार्यक्रमाला माजी आमदार वीरेंद्र जगताप, आमदार बळवंत वानखडे, भैय्यासाहेब मेटकर , प्रकाश काळबांडे, संजय वानखडे, सेवादल अध्यक्ष प्रदीप देशमुख, संजय लायदे, पंकज मोरे,बिट्टू मंगरोळे, बच्चू बोबडे, बबलू बोबडे, संदीप रिठे, समाधान दहातोंडे, विनायक ठाकरे, विषाल भट्टाड, सुधीर देशमुख, नीरज कोकाटे उपस्थित होते,