कोल्हापुरी बंधाऱ्याचे कामात शेतकऱ्याच्या पाईप लाईनची तोडफोड

दिलेल्या तक्रारींनुसार , मौजा सातनूर शेतशिवारातुन जाणार्या देवना नदीवर जिल्हापरिषद सिंचन विभागाकडून कोल्हापुरी बंधार्याचे काम सुरु आहे . याच शेतशिवारात पंकज गुलाबराव चौधरी यांचे शेत आहे . सदर शेतकऱ्याने २०१८-१९ मध्ये मौजा मलकापूर येथून संत्रासह झाडाचे ओळीत करण्याकरिता पीव्हीसी पाईप लाईन टाकली होती . पाणी अडवण्याकरिता देवाण नदीवर बंधाऱ्याचे काम करते वेळी कामात अडथळा निर्माण होऊ नये म्हणून शेतकऱ्याने पुन्हा ती पाईप लाईन काढून नदी काठाने लांबवर टाकली . परंतु कंत्राटदाराने काम करताना जेसीबी आणि पोकलँड ने सदर पाईप लाईन तोडफोड केली . यामुळे फुटलेले पाईप चोरीला सुद्धा गेले . याबाबत कंत्राटदाराच्या सुपरवायझरला सांगितले असता जे होते ते करून घ्या असा दम भरला . यामुळे शेतकऱ्याचे पाईप चे साडेपाच हज़ार रुपये आणि संत्रा आंबिया बहार गळल्याने हजारो रुपयाचे नुकसान झाले . याबाबत पोलीस ठाणे शेंदूरजना घाट येथे लेखी तक्रार दिल्यावरून पोलिसांनी भादंवि चे १८६० नुसार कलम ४२७ अन्वये अदखल पात्र गुन्ह्याची नोंद केली आहे . सदर प्रकरणाची जिल्हा परिषद सिंचन विभागाकडून चौकशी होई पर्यंत देयके देऊ नये अशीमागणी मुख्य कार्यकारी अधिकारी जिल्हा परिषद अमरावती यांना दिलेल्या तक्रारीत केली आहे .