रामदास अरबट
पथ्रोट : येथील प्रतिष्ठित नागरिक रामदास अरबट (८२) यांचे दीर्घ आजाराने निधन झाले. त्यांच्यापश्चात दोन मुले, दोन मुली व बराच मोठा आप्त परिवार आहे.
--------------
अंजनगांव बारी येथे पाचवी- आठवी वर्ग सुरू
अंजनगांव बारी : येथील शाळांमधील पाचवी ते आठवीच्या वर्गांना धडाक्यात सुरुवात झाली आहे. ऑनलाइन वर्गांना कंटाळलेल्या विद्यार्थ्यांनी २७ जानेवारीपासून शाळांकडे मोर्चा वळविला आहे. वर्गातील विद्यार्थ्यांचा उत्साह ओसंडून वाहत आहे.
------
विद्यापीठात हुतात्म्यांना मौन श्रद्धांजली
अमरावती : संत गाडगे बाबा अमरावती विद्यापीठामध्ये हुतात्म्यांच्या स्मरणार्थ आदर व्यक्त करण्यासाठी विद्यापीठाच्या मुख्य प्रशासकीय इमारतीमध्ये दोन मिनिटे मौन पाळून हुतात्म्यांना श्रद्धांजली अर्पण करण्यात आली. प्र-कुलगुरू राजेश जयपूरकर, आजीवन अध्ययन व विस्तार विभागाचे संचालक श्रीकांत पाटील, तसेच विद्यापीठातील अधिकारी व कर्मचारी उपस्थित होते.
----------------