महापालिकेची धडक कारवाई, मास्‍क न लावणे, शारीरिक अंतर, सार्वजनिक स्‍थळी थुंकणारे लक्ष्य
अमरावती : कोरोना संसर्ग वाढतच आहे. नागरीक बेफिकीरपणे वागत असल्याच्या पार्श्वभूमीवर महापालिका प्रशासनाने सोमवारी राबविलेल्या विशेष मोहिमेद्वारे कोरोना त्रिसूत्रीचे पालन न करणाऱ्या नागरिकांकडून २७ हजार रुपये दंड वसूल करण्यात आला आहे.
अमरावती शहरात कोरोना संक्रमितांची संख्या वाढत असताना, जिल्हाधिकारी शैलेश नवाल, आयुक्त प्रशांत रोडे यांच्या आदेशानुसार कोविड-१९ प्रादुर्भाव रोखण्याच्या अनुषंगाने सोमावरी दंडात्मक कारवाई करण्यात आली. यात झोन क्रमांक १ रामपुरी कॅम्प अंतर्गत पंचवटी, गाडगेनगर, इतवारा, लक्ष्मीनगर या ठिकाणी दंडात्मक कारवाई करण्यात आली. यादरम्यान २५०० रुपये दंड वसूल करण्यात आला. झोन क्रमांक २ राजापेठ अंतर्गत इर्विन चौक, रुक्मिणीनगर येथे दंडात्मक कारवाईत ३३०० रुपये दंड वसूल करण्यात आला. झोन क्रमांक ३ दस्तुरनगर अंतर्गत दस्तुरनगर, गर्ल्स हायस्कूल चौक, जयस्तंभ या भागात दंडात्मक कारवाईत ११ हजार रुपये दंड वसूल करण्यात आला. झोन क्रमांक ४ बडनेरा अंतर्गत नवाथे चौक येथेे दंडात्मक कारवाईत ५२०० रुपये दंड वसूल करण्यात आला. झोन क्रमांक ५ भाजीबाजार अंतर्गत चित्रा चौक येथे दंडात्मक कारवाईत ५००० रुपये दंड वसूल करण्यात आला. सोमवारी दंडात्मक कारवाईदरम्यान एकूण २७ हजार रुपये दंड वसूल करण्यात आला. या मोहिमेमध्ये ज्येष्ठ स्वास्थ्य निरीक्षक शेख, विजय भुरे, कुंदन हडाले, राजू डिक्याव, विक्‍की जैदे यांच्यासह स्वास्थ्य निरीक्षक उपस्थित होते.
००००००००
कोट
जिल्हाधिकाऱ्यांच्या निर्देशानुसार कोरोना विषाणूचा प्रादुर्भाव रोखण्‍यासाठी सार्वजनिक स्‍थळी थुंकणे, मास्‍क न वापरणे, शारीरिक अंतर न पाळणे अशा व्यक्तींविरुद्ध दंडात्मक व फौजदारी कारवाईसाठी पथक नेमण्यात आले आहे. ही कारवाई निरंतर सुरू राहील.
- प्रशांत रोडे, आयुक्त, महापालिका.