नगराध्यक्ष निवडणूक : धारणीत राष्ट्रवादी, भातकुलीत युवा स्वाभिमान, तिवसा-नांदगावात कांँग्रेसअमरावती : नवनिर्मित नगरपंचायतीच्या नगराध्यक्ष आणि उपाध्यक्षांची निवड पार पडल्यानंतर जिल्ह्यात काँग्रेस-राकॉला ‘अच्छे दिन’ आल्याची चाहुल लागली आहे. ४ पैकी तिवसा व नांदगाव खंडेश्वरमध्ये काँग्रेसचे तर धारणीत राष्ट्रवादीच्या नगरसेवकांनी सत्तासोपान पार केला. भातकुलीत अगदी वेळेवर एकत्र आलेल्या धुरंधर विरोधकांना मात देत आ. राणाप्रणित महाराष्ट्र स्वाभिमान काँग्रेसने दोन्ही पदे पटकाविली. राज्यात सत्तेत असलेल्या सेना-भाजपकडे नगरपंचायतीमध्ये एकअंकी संख्याबळ असल्याने फार मोठा राजकीय चमत्कार अपेक्षित नव्हताच! अपेक्षेप्रमाणेच चारही नगरपंचायतीमध्ये नगराध्यक्ष-उपाध्यक्षपदाची निवड झाली. राज्यात सर्वाधिक संख्याबळ असलेल्या सेना - भाजपला जिल्ह्यात दोनअंकी सदस्य संख्याही पार करता आली नव्हती. धारणी वगळता तिनही नगरपंचायतीमध्ये स्थानिक आमदारांनी त्यांचा करिष्मा कायम ठेवला.
काँग्रेस-राकाँला अच्छे दिन, भाजपला भोपळा !
By admin | Updated: December 1, 2015 01:17 IST