२७ जूनला निवडणूक : अन्य जिल्ह्यांत निवडणुकांना स्थगितीगजानन मोहोड - अमरावतीन्यायालयाने स्थगिती दिल्याने राज्यात अन्य जिल्ह्यांतील नगरपरिषद उपाध्यक्ष पदाच्या निवडणुकांचा कार्यक्रम थांबविण्यात आला आहे; मात्र अमरावतीतील नऊ नगरपरिषदांच्या उपाध्यक्षपदाच्या निवडणुकीचा कार्यक्रम २७ जून रोजी प्रस्तावित करण्यात आला. प्रत्यक्षात या निवडणुका होणार की स्थगिती राहणार याविषयी जिल्हा प्रशासनासह पदाधिकाऱ्यांमध्ये संभ्रम कायम आहे.राज्यातील नगरपरिषदांच्या अध्यक्ष व उपाध्यक्षांचा कार्यकाळ जून २०१४ च्या अखेरच्या आठवड्यात संपणार आहे. निवडणूक यंत्रणा, महसूल व पोलीस यंत्रणा आॅक्टोबर महिन्यात होऊ घातलेल्या विधानसभा निवडणुकांच्या कामकाजात व्यस्त असल्याचे कारण दर्शवीत राज्य शासनाने १० जून २०१४ रोजी महापौर, उपमहापौर व नगराध्यक्ष पदाला सहा महिन्यांची मुदतवाढ दिली. नगराध्यक्ष व उपाध्यक्षपदाचा कार्यकाळ हा अडीच वर्षांचा असतो. बहुतांश नगराध्यक्ष व उपाध्यक्ष यांच्या निवडणुकादेखील एकाच दिवशी झाल्या आहेत.
नऊ नगरपालिका उपाध्यक्षांच्या निवडणुकीबाबत संभ्रम
By admin | Updated: June 23, 2014 23:37 IST