चांदूर रेल्वे : तालुक्यातील सोनगाव गावालगतच्या तलावात बुडून एका १५ वषीय मुलाचा अपघाती मृत्यू झाला. अजय सुनील वणवे (१५, रा. धानोडी ह. मु. सोनगाव) असे मृताचे नाव आहे. अमरावतीच्या आपत्ती व्यवस्थापन पथकाने शुक्रवारी सकाळी रेस्क्यू करून त्याचा मृतदेह तलावाबाहेर काढला. तलावानजीकच ठेवलेल्या एका बकेटीत त्याचे कपडे आढळल्याने तो पोहोवयास गेला, त्यातच त्याचा बडून मृत्यू झाला असावा, अशी शक्यता व्यक्त करण्यात आली.
अजय सुनील वणवे हा गुरुवारी सायंकाळी ६ च्या सुमारास पोहण्याकरिता गेला. तो तलावात बुडाल्याची माहिती रात्री ८.४५ च्या सुमारास महसूल यंत्रणेकडून जिल्हाधिकारी कायार्लयाला देण्यात आली. अंधार असल्याने रात्री पथक पाठविण्यात आले नाही. म्हणून शुक्रवारी सकाळी ७.४५ वाजता जिल्हाधिकारी कार्यालयातील आपत्ती व्यवस्थापन पथकाने तलावात शोध सुरू केला. सकाळी ९ वाजताच्या सुमारास त्यांना अजयचा मृतदेह मिळाला. चांदूर रेल्वेचे पोलीस निरीक्षक मगन मेहते यांनी बुधवारी रात्री घटनास्थळी भेट दिली. मृतदेह बाहेर काढल्यानंतर ग्रामीण रुग्णालयात शवविच्छेदन करण्यात आले.