फोटो पी २७ अनिल कडू
परतवाडा : कोरोनाकाळात काही व्यवसायांचे स्वरूप बदलत चालले आहे. हाथ रिक्षा आणि सायकलवरील भंगारवाला आता ऑटोरिक्षारुपी तीनचाकी कटल्यात भंगार खरेदी करू लागला आहे.
या कटल्यावर अगदी कचरा गाड्याप्रमाणे साऊंड सिस्टिम कार्यरत आहे. स्वच्छ भारत मिशन प्रमाणेच या साऊंड सिस्टीम मधून आला आला भंगारवाला आला. भंगार आणा पैसे घेऊन जा, प्लास्टिक द्या, लोखंड द्या, पेपर रद्दी द्या, घरातला कचरा कमी करा. पैसे घेऊन जा, आम्ही केवळ पैशानेच भंगार खरेदी करतो. असा सतत उद्घोष सुरू असतो. मराठी आणि हिंदी अशा दोन्ही भाषेतून सुरू राहणारा हा उद्घोष कोरोना काळात लक्षवेधक ठरला आहे.
हा भंगार खरेदी करण्याचा लक्षवेधक प्रयत्न अचलपूर शहरातील शेख अफजल या युवकाने चालविला आहे. त्याकरिता त्याने एम एच २९ ए एन ०५५२ क्रमांकाचा पिवळ्या रंगाचा एक जुना कटला विकत घेतला असून, त्यावर त्याने साऊंड सिस्टिमही बसविली आहे. अचलपूर नगरपालिका क्षेत्रात तो घरोघरी जाऊन मोहल्ला मोहल्ल्यात जाऊन या कटल्यात भंगार खरेदी करीत आहे. या खरेदीत त्याचा आत्मविश्वासही दांडगा आहे.
हात रिक्षात भंगार खरेदी करणारे अचलपूर शहरातील कासदपुरा येथील शेख कलीम हा घरोघरी जाऊन भंगार खरेदी करणारे ३५ लोक अचलपूर नगरपालिका क्षेत्रात आहेत. अचलपूर शहरातीलच मंडळी परतवाड्यात भंगार खरेदी करतात. भंगारात घेतलेले लोखंड हे जालना येथे पाठविले जाते. प्लास्टिक नागपूरला पाठविले जातात. रद्दी शहरातच विकली जाते. दिवसभर शहरात भटकंती करून मिळणाऱ्या दोनशे-अडीचशे रुपयांच्या मजुरीतून आमच्या कुटुंबाला हात भार लागतो, असे ते म्हणाले.
(फोटो--कटला/ऑटो) दि.27/5/21