दर्यापूर ; तालुक्यातील येवदा परिसरात मागील काही दिवसापासून वादळामुळे अनेक ठिकाणी विजेचे खांब वाकले आहेत. महावितरणच्या नियोजनाअभावी हा प्रकार घडला. या सर्व प्रकारणाची चौकशी करावी, अशी मागणी प्रहारचे प्रदीप वडतकर यांनी केली आहे.
........................................
पर्यावरण दिनानिमित्त वृक्ष लागवड
नांदगाव खंडेश्र्वर : तालुक्यात रोजगार हमी योजनेंतर्गत विविध ठिकाणी वृक्षलागवड करण्यात आली. यावेळी रोजगार सेवक मोरेश्र्वर दिवटे यांच्या उपस्थितीत मजुरांच्या हाताने वृक्षलागवड करण्यात आली.
.........................................
बॅकांमध्ये वाढली गर्दी
अमरावती : खरीप हंगाम तोंडावर आल्याने विविध बँकांमध्ये शेतकऱ्याह खातेदारांची बँकेत गर्दी वाढली आहे. शेतकरी वर्ग खरीप पीककर्जासाठी बँकेकडे धाव घेत आहेत.
............................
बी-बियाणे खरेदीची लगबग
अमरावती : खरीप हंगाम तोंडावर आल्यामुळे ग्रामीण भागात शेतकरी वर्ग बी- बियाणे खरेदीसाठी कृषी सेवा केंद्राकडे धाव घेत आहेत. त्यामुळे कृषी केंद्रात बी-बियाणे व खते खरेदीची लगबग वाढल्याचे चित्र दिसून आले.
...................
दीड महिन्यानंतर लालपरी रस्त्यावर
अमरावती : कोरोना विषाणूचा वाढता संसर्ग रोखण्यासाठी कडक निर्बंध लागू करण्यात आले होते. मात्र, आता यात शिथिलता दिल्यामुळे लालपरी दीड महिन्यानंतर रस्त्यावर सोमवारपासून धावू लागली आहे.