४० वर्षीय पुरुषाचा जळालेल्या अवस्थेत मृतदेह आढळला

अमरावती : पोलिसांना पूर्ण जळालेल्या अवस्थेत ४० वर्षीय अज्ञात इसमाचा मृतदेह आढळून आला. त्यामुळे खळबळ उडाली असून, सदर पुरुषाने आत्महत्या केली की, त्याची हत्या करण्यात आली याचा शोध गाडगेनगर पोलीस घेत आहे. सदर मृतदेह चांगापूर मार्गावरील आर्चिड शाळेनजीकच्या पडीक शिवारात परिसरात खुल्या जागेत बुधवारी सकाळी दिसला. सदर मृतदेह शवविच्छेदनाकरिता इर्विन रुग्णालयातील शवागारात पाठविण्यात आला. सदर इसमाची उंची सहा फूट आहे. ज्या ठिकाणी मृतदेह आढळला त्या परिसरातील गवत जळालेल्या अवस्थेत पोलिसांना आढळून आले. घटनेची माहिती मिळताच गाडगेनगरचे वरिष्ठ पोलीस निरीक्षक आसाराम चोरमले यांनी घटनास्थळाची पथकासह पाहणी केली. शवविच्छेदन अहवालानंतरच सदर इसमाचा मृत्यू किती दिवसांपूर्वी झाला? त्याने स्वात: जाळून घेतले की, जाळण्यात आले, हे स्पष्ट होऊ होणार आहे.