--------------
भरधाव दुचाकीच्या धडकेत युवक जखमी
चांदूर बाजार : दुचाकीस्वाराने निष्काळजीपणे भरधाव वाहन चालवीत युवकाला मागून धडक देऊन जखमी केले. ही घटना बोराळा पुलानजीक ३ फेब्रुवारी रोजी रात्री १०.३० वाजता घडली. जखमी युवकाचे काका सुभाष श्यामराव डवके (५३, रा. रिद्धपूर) यांच्या तक्रारीवरून एमएच २७ एझेड ४७६५ क्रमांकाधारकाविरुद्ध चांदूर बाजार पोलिसांनी भादंविचे कलम २७९, ३३७, ३३८ अन्वये गुन्हा नोंदविला.
-------------------
बैलबंडीला चारचाकी वाहनाची धडक
खल्लार : शेतातून हरभऱ्याचे पोते घेऊन येत असलेल्या बैलबंडीला चारचाकी वाहनचालकाने धडक दिल्याने बैल जखमी झाल्याची घटना आराळा ते लसापूर रस्त्यावर ३ फेब्रुवारी रोजी सायंकाळी ५.३० वाजतादरम्यान घडली. विलास वासुदेव टेकाडे (४४, रा. जिंटापूर भांबोरा) यांच्या तक्रारीवरून खल्लार पोलिसांनी एमएच ४८ एसए २१८८ क्रमांकाच्या वाहनचालकाविरुद्ध भादंविचे कलम २७९, ४२९ अन्वये गुन्हा नोंदविला. पुढील तपास पोलीस करीत आहे.