अमरावती : प्रेमप्रकरणातून एका युवकाला पैशासाठी महिलेसह इतर युवकांच्या साह्याने शस्त्राचा धाक दाखवून मारहाण केल्याची घटना कंवरनगर व गाडगेनगर ठाणे हद्दीत घडली. ही घटना ८ जानेवारी ते १५ मार्च दरम्यान घडली. याप्रकरणी १९ मे रोजी राजापेठ पोलिसांनी गुन्हा नोंदविला.
पोलीसुत्रानुसार, एक २७ वर्षीय महिला (रा. गौतमनगर, कारंजा लाड) अजय वानखडे (३५, रा. अकोला व त्याचे इतर साथीदारांचा आरोपीमध्ये समावेश आहे.
याप्रकरणी फिर्यादी नवल पुरुषोत्तम राठी (२८, रा. सातुर्णा) यांनी पोलिसांत तक्रार नोंदविली. फिर्यादी व महिला आरोपी यांच्यात पाच वर्षांपासून लग्न न करण्याच्या शर्तीवर प्रेमसंबंध होते. मात्र, काही वाद झाल्याने आरोपीने संगनमताने फिर्यादीच्या घरी अनोळखी दोन युवकांना पाठवून त्याला पीडीएमसी हॉस्पिटलसमोर नेऊन मारहाण केली. त्याची दुचाकी व मोबाईल हिसकला तसेच मुलीशी लग्न करण्यासाठी गाडगेनगर ठाण्यासमोर धमकावले. त्यानंतर दुचाकीवर बसवून वडाळी येथील एका घरात त्याला डांबले व मारहाण करून शस्र्राचा धाक दाखवून प्रकरण निपटण्याकरिता दोन लाखांची खंडणी मागितली. याप्रकरणी पोलिसांनी आरोपीविरुद्ध भादंविचे कलम ३४२, ३६३, ३८६, ३२३, ५०४, ५०६ अन्वये गुन्हा नोंदविला.