वनोजा बाग : अंजनगाव सुर्जी येथील गांधी पेट्रोल पंपाजवळ मोटरसायकल ट्रॅक्टरवर आदळली. या अपघातात एकाचा जागीच मृत्यू झाला, तर एक जण गंभीर जखमी झाला.
पोलीस सूत्रांनुसार, राष्ट्रीय महामार्गावरील गांधी पेट्रोल पंपाजवळ अकोटकडून येणाऱ्या एमएच २७ एव्ही ७९०८ या दुचाकीने अंजनगावरून अकोटकडे जाणाऱ्या एमएच २७ एल ४३७९ क्रमांकाच्या ट्रॅक्टरला धडक दिली. शुक्रवारी दुपारी साडेपाच वाजता हा अपघात घडला. या धडकेत मोहम्मद परवेज अब्दुल जाकीर (२४) याचा जागीच मृत्यू झाला, तर मागे बसलेला मोहम्मद जाहीद मोहम्मद जाबीर (२२, दोघेही रा. डब्बीपुरा, अंजनगाव) हा गंभीर झाला. त्याला अमरावती येथे उपचारासाठी पाठविण्यात आले. अपघाताची माहिती मिळताच पोलिसांनी घटनास्थळ गाठून पंचनामा केला. मृतदेह शवविच्छेदनासाठी अंजनगावातील ग्रामीण रुग्णालयात पाठविण्यात आला. ट्रॅक्टरचालक नियाजुउद्दीन सलाउद्दीन (३२) याला अटक करून त्याच्याविरुद्ध भादंविचे कलम २७९, ३०४ ए, ३३७, ३३८, १८४ अन्वये गुन्हा दाखल करण्यात आला.