अंजनगाव बारी : स्थानिक ग्रामपंचायतीने वारंवार सूचना देऊनही येथील गुरुवारी आठवडी बाजारात गावातील व बाहेरगावाहून आलेल्या नागरिकांनी गर्दी करून कोरोना नियमांचा फज्जा उडवला. यामध्ये किरकोळ विक्रेते, भाजीवाले, छोटे-मोठे व्यापारी व धंदेवाईक लोकांचा समावेश होता.
कोरोनाग्रस्तांची संख्या वाढल्यामुळे प्रशासनाने कडक निर्बंधांची घोषणा केली. अमरावती शहरात तसा बंदोबस्तही केला. मात्र, ग्रामीण विभागात प्रशासन पोहोचत नसल्यामुळे काम नसताना व्यर्थ घराबाहेर पडणे, मास्क न घालणे, १४४ जमावबंदी कलम लागू असुनही अनावश्यक गर्दी करणे, सोशल डिस्टंसिगचे नियम न पाळणे असे प्रकार अंजनगावात दररोजच पाहायला मिळत आहेत. स्थानिक प्रशासनाला न जुमानता लोक बिनधास्त एकीकडून दुसरीकडे ये-जा करीत आहे.