---------------------------------------------------
जयस्तंभ चौकातून दारू जप्त
अमरावती : सिटी कोतवाली पोलिसांनी येथील जयस्तंभ चौकात शनिवारी कारवाई करून अवैध दारुसह ४३०० रुपयांचा मुद्देमाल जप्त केला. आरोपी प्रवीण प्रभाकर दिधाते (३२, रा. आमले प्लॉट, भातकुली) याला पोलिसांनी ताब्यात घेऊन गुन्हा नोंदविला.
---------------------------------------------------------------------
महिलेच्या हाताला चावा घेतला
अमरावती : फ्रेजरपुरा ठाणे हद्दीतील किशोरनगर येथे क्षुल्लक कारणावरून दोन महिलांममध्ये वाद झाला याप्रकरणी एका महिलेने दुसऱ्या महिलेच्या हाताला चावा घेऊन जखमी केल्याची घटना शनिवारी घडली. याप्रकरणी एका महिलेविरुद्ध फ्रेजरपुरा पोलिसांनी गुन्हा नोंदविला.
------------------------------------------
जिवाने ठार मारण्याची धमकी
अमरावती : खोलीला कुलूप का लावले? या कारणावरून वाद करून एका आरोपीने महिलेला जिवाने ठार मारण्याची धमकी दिल्याची घटना वडरपुरा येथे शुक्रवारी घडली. याप्रकरणी पोलिसांनी शनिवारी गुन्हा नोंदविला. आरोपी मंगेश हरीशचंद्र राऊत (३३, रा. वडरपुरा) व एका महिलेविरुद्ध गुन्हा नोंदविला.
-------------------------------------------------