अमरावती : इयत्ता अकरावी ऑनलाईन प्रवेश प्रक्रियेची तिसरी फेरी घेण्यात आली आहे. या तिसऱ्या फेरीतील यादीमध्ये १२६८ विद्यार्थ्यांना प्रवेशाची संधी मिळाली आहे. निवड झालेल्या विद्यार्थ्यांना १५ सप्टेंबरपर्यंत संबंधित महाविद्यालयात आपला प्रवेश निश्चित करावा लागणार आहे.
महापालिका क्षेत्रातील ६५ कनिष्ठ महाविद्यालयामध्ये अकरावी ऑनलाईन प्रवेशाची प्रक्रिया सुरळीत सुरू असून आतापर्यंत दोन फेऱ्या आटोपल्या आहेत. तिसऱ्या फेरीत कला शाखेचे २३२, वाणिज्य २२०, विज्ञान ८२ आणि एमसीव्हिसी शाखेकरिता ७३१ अशा एकूृण १२६८ विद्यार्थ्यांची निवड झाली आहे. सर्वच शाखांमध्ये पुरेशा जागा उपलब्ध असून सर्वांना चौथ्या फेरीमध्ये प्रवेश घेता येणार आहे. सर्वच विद्यार्थ्यांना प्रवेश मिळतील, अशी माहिती इयत्ता अकरावी ऑनलाईन प्रवेश समितीचे समन्वयक अरविंद मंगळे यांनी दिली.
बॉक्स
आतापर्यतचे फेरीनिहाय प्रवेश
उपलब्ध जागा एकूण १५९९०
प्रथम फेरी - ५५३४
द्वितीय फेरी - २३२५
तृतीय फेरी - १२६८