बडनेरा : स्थानिक पोलीस ठाण्याच्या आवारात येऊन दोन महिलांनी वाद करून लोंबाझोबी केल्याची घटना २२ मार्च रोजी घडली. याप्रकरणी ३५ वर्षीय आणि ४० वर्षीय (रा. अलमास नगर जुनी वस्ती) महिलांविरुद्ध भादंविचे कलम १६० अन्वये गुन्हा नोंदवून समजपत्रावर सोडण्यात आले. ही कारवाई पोलीस उपनिरीक्षक प्रवीण पाटील यांनी केली.
---------------------
महिलेला लोखंडी रॉडने मारहाण
अमरावती : पूर्वीचे संबंध बरखास्त झाल्यानंतरही आरोपीने महिलेला सोबत येण्याचा आग्रह धरला. महिलेने नकार दिल्याने शिवीगाळ करून लोखंडी रॉडने कपाळावर मारून जखमी केल्याची घटना २२ मार्च रोजी घडली. महिलेच्या तक्रारीवरून गाडगेनगर पोलिसांनी आरोपी अवधूत श्रीराम खडसे (३०) विरुद्ध भादंविचे कलम ३२४, ५०४ अन्वये गुन्हा नोंदविला.
--------------------
शिवीगाळ करून मारहाण
अमरावती : ५०० रुपये देण्यास नकार दिल्याने इसमाला शिवागीळ करून लोटलाट केल्याची घटना २२ मार्च रोजी सुकळी येथे घडली. रामेश्वर मोरे यांच्या तक्रारीवरून नागपुरी गेट पोलिसांनी अजय एकनाथ पारिसे (२४), एकनाथ तुळीशीराम पारिसे (५२) व एका ४० वर्षीय महिलेविरुद्ध भादंविचे कलम ३२४, ५०४, ३४ अन्वये गुन्हा नोंदविला.
-----------------