पीएच.डी. एमपेट परीक्षेतून ४४८ विद्यार्थी वंचित ; अमरावती विद्यापीठ

संत गाडगेबाबा अमरावती विद्यापीठमार्फत सोमवारी घेण्यात आलेल्या ऑनलाईन पीएच.डी. एमपेट परीक्षेपासून पहिल्या दिवशी ४४८ विद्यार्थ्यांना वंचित राहावे लागले.

ठळक मुद्देलॉग इनचा फटका २१७७ पैकी १७२९ विद्यार्थी परीक्षेला हजर

लोकमत न्यूज नेटवर्कअमरावती : संत गाडगेबाबा अमरावती विद्यापीठमार्फत सोमवारी घेण्यात आलेल्या ऑनलाईन पीएच.डी. एमपेट परीक्षेपासून पहिल्या दिवशी ४४८ विद्यार्थ्यांना वंचित राहावे लागले. परीक्षा केंद्रावर वेळेत न पोहचल्याने विद्यार्थ्यांचे लॉगइन झाले नाही. त्यामुळे २१७७ पैकी १७२९ विद्यार्थ्यांना परीक्षा देता आली.विद्यापीठ अंतर्गत अमरावती, अकोला, वाशीम, यवतमाळ व बुलडाणा जिल्ह्यात पीएच.डी. पदवी मिळविण्यासाठी एम.पेट परीक्षा ३० सप्टेंबर व १ ऑक्टोबर रोजी घेण्याचे नियोजन चालविले आहे. पीएच.डी. प्रवेश परीक्षेसाठी ४२४१ विद्यार्थ्यांनी ऑनलाईन नोंदणी केली होती. त्यानुसार पहिल्या दिवशी २१७७ विद्यार्थी परीक्षेस पात्र ठरविण्यात आले. मात्र, परीक्षा केंद्रावर वेळेपूर्वी न पोहचणाऱ्या ४४८ विद्यार्थ्यांना परीक्षेपासून वंचित राहावे लागले. मंगळवार, १ ऑक्टोबर रोजी पाचही जिल्ह्यातील केंद्रावर २०६४ विद्यार्थी परीक्षेस पात्र ठरविण्यात आल्याची माहिती विद्यापीठाच्या पीएच.डी. सेल विभागाचे उपकुलसचिव सुजय बंड यांनी दिली. परीक्षा केंद्रावर वेळेवर न पोहचल्यास परीक्षेपासून वंचित राहावे लागेल, असे त्यांनी कळविले आहे.