अमरावती : सराफा बाजारात महिलेच्या पर्समधील २१ हजारांचे सोन्याचे दागिने लंपास केल्याची घटना शुक्रवारी उघडकीस आली. महिलेने ६ ग्रॅम वजनाची सोन्याची चैन व चांदीच्या तोरड्या पर्समध्ये ठेवल्या होत्या. चैनला डाग लावण्याकरिता त्या सराफा बाजारात गेल्या होत्या. दरम्यान अज्ञात महिला चोराने पर्स लंपास केली. सदर महिलेच्या तक्रारीवरून खोलापुरी गेट पोलिसांनी आरोपी महिलेविरुध्द गुन्हा नोंदविला.
00000000000000000000000000
वाहतुकीस अडथळा केल्याने तिघांवर गुन्हा
अमरावती : रस्त्यावर ऑटो उभे करून वाहतुकीस अडथळा केल्याने सिटी कोतवाली पोलिसांनी शुक्रवारी तीन चालकांविरुध्द भादंविच्या कलम २८३ अन्वये गुन्हा नोंदविला. राजिक हुसैन अखलाल हुसैन (२५ रा. मौलाना आझाद कॉलनी), आदहर खान मजिद खान (२४ रा. रतनगंज) व अभय चरणदास शामकुवर (२९ रा. मिलचाळ, बडनेरा) यांचा आरोपींत समावेश आहे. त्यांना समजपत्रावर सोडण्यात आले.
0000000000000000000000000000
तीन अवैध दारू विक्रेत्यांना अटक
अमरावती : फ्रेजरपुरा पोलिसांनी शुक्रवारी विविध ठिकाणी तीन अवैध दारू विक्रेत्यांना अटक करून, त्यांच्याजवळील दारूचा मुद्देमाल जप्त केला. फ्रेजरपुरा पोलिसांनी संजय गांधीनगरात धाड टाकून दिलीप विठोबा घोडे (६२ रा. संजय गांधीनगर) याच्याकडून ४८० रुपयांची दारू जप्त केली. बडनेरा पोलिसांनी निंभा येथील संदीप देवराव चौधरी याच्या घरी धाड टाकून ५४० रुपयांची दारू जप्त केली. कवठा बहाळे येथील अशोक नारायण माथने (४०) याच्या घरातून ६०० रुपयांची अवैध दारू जप्त केली.