-----------------------------------
वाडेगाव-माझोड रस्त्यावर खड्डेच खड्डे
वाडेगाव: वाडेगाव-माझोड रस्त्याचे काम संथगतीने सुरू आहे. रस्त्यावर खड्ड्यांचे साम्राज्य निर्माण झाले असून, वाहनधारकांना वाहन चालवितांना कसरत करावी लागत आहे. याकडे लक्ष देऊन या रस्त्याचे काम त्वरित करण्याची मागणी होत आहे.
-----------------------------
दिग्रस बु. परिसरात अवैध वृक्षतोड
दिग्रस बु.: परिसरात अवैध वृक्षतोड वाढली असून, याकडे वन विभागाचे दुर्लक्ष होत असल्याचे चित्र आहे. परिसरात लाकूड माफियांकडून हिरव्या वृक्षांची कत्तल होत आहे. याकडे लक्ष देऊन कारवाई करण्याची मागणी वृक्षप्रेमिंकडून होत आहे.
------------------------------
वन्य प्राण्यांचा हैदोस; शेतकरी हैराण
बाळापूर: तालुक्यातील नया अंदुरा, लोणाग्रा, हातरूण परिसरात वन्य प्राण्यांचा हैदोस वाढला असून, शेतकरी संकटात सापडले आहे. रात्रीच्या सुमारास वन्य प्राणी गव्हाच्या शेतात शिरुन नुकसान करीत असल्याचे चित्र आहे.
-------------------
डाबकी-निमकर्दा रस्त्यावर धुळीचे साम्राज्य
बाळापूर: डाबकी-निमकर्दा रस्त्यावर धुळीचे साम्राज्य निर्माण झाले असून, अपघाताची शक्यता वाढली आहे. तसेच धुळीमुळे रस्त्यालगत असलेल्या पिकांचे नुकसान होत आहे. याकडे संबंधित विभागाने लक्ष देऊन रस्त्यावर पाणी टाकण्याची मागणी होत आहे.