अकोला : कोणावरही अवलंबून न राहता कष्ट करून स्वाभिमानाने संसाराचा गाडा ओढणार्‍या १५ कामगार महिलांचा कस्तुरी चॅरिटेबल सोसायटीतर्फे कामगार दिनाच्या निमित्ताने सत्कार करण्यात आला. राज्यात कामगार दिन उत्साहात साजरा होतो. १ मे रोजी कस्तुरी चॅरिटेबल सोसायटीतर्फे अकोल्यात वयोवृद्ध निराधार कामगार महिलांच्या सत्कार सोहळ्याचे आयोजन करण्यात आले. आयुष्याच्या संध्याकाळी धुणीभांडी, इतरांच्या घरी स्वयंपाक, मजुरी करणार्‍या महिलांचा नऊवारी पातळ, चोळी व पुष्पगुच्छ देऊन गौरव करण्यात आला. यामध्ये रुखमाबाई चंदनगोळे, कुसुमबाई सकळे, शशिकला ढोके, मैनाबाई पाटील, कलावती वाच, शांताबाई खंडारे, अनुसया देशमुख, शकुंतला बेडेकर, सरला यादव, दुर्गाबाई राईकर, सुमित्रा राठोड, कामिनीबाई मोरखडे, कुसुम सोनोने, उज्ज्वला इंगळे या महिलांचा सत्कार करण्यात आला. कार्यक्रमाला सोसायटीचे अध्यक्ष प्रा. किशोर बुटोले, सचिव के.एस. घोरपडे, डॉ. शांताराम बुटे, शांताबाई आळशी, प्रभाताई पांडे, हभप सुजित महाराज देशमुख, डॉ. नानासाहेब चौधरी आदी मान्यवर उपस्थित होते. कार्यक्रमाच्या यशस्वीतेसाठी प्रा. मेघा कनकेकर, प्रा. चेतना आनंदाणी, अपर्णा काळे, राजेश्वर पेठकर, संजय ठाकरे, अनिल उगवेकर, आशा उगवेकर, जयंत जोशी, दीपक वाघमारे, प्रशांत पाटील, संजय बुटोले, अतुल कुळकर्णी, दमोदर नुपे यांनी परिश्रम घेतले. बॉक्स...उतार वयात संसाराचा गाडा ओढणारी गयाबाईकिरकोळ भाजीपाला विक्रेता असलेल्या पतीचे निधन झाले... तरुण मुलालाही मृत्यूने कवटाळले.... अशा प्रतिकूल परिस्थितीतही गयाबाई हिरुळकर या महिलेने जीवनाशी संघर्ष सुरू ठेवला. आयुष्याच्या संध्याकाळी ही महिला सून व नातवंडांचा सांभाळ करीत आहे. गयाबाई उतारवयात धुणीभांडीसारखी मिळेल ते काम करून संसाराचा गाडा ओढत आहे. कामगार दिनानिमित्त कस्तुरी चॅरिटेबल सोयसायटीतर्फे गयाबाईचाही सत्कार करण्यात आला. फोटो: सत्कार सोहळ्याप्रसंगी उपस्थित मान्यवर व कष्टकरी महिला.
आयुष्याच्या संध्याकाळी संघर्ष करणार्‍या महिला कामगारांचा सन्मान * कस्तुरी चॅरिटेबल सोसायटीचा उपक्रम
By admin | Updated: May 3, 2014 19:08 IST