ऑनलाइन लोकमत
अकोला, दि. 9 - लोहारा येथून कडबा घेऊन शेगावकडे जाणा-या ट्रॅक्टरने अचानक पेट घेतल्याची घटना स्थानिक मदरशाजवळ घडली. ट्रॅक्टर मालक शे.नाजीम शे.बुडन यांनी गुरुवारी लोहारामधून शेतकरी शिवाजी मोरे यांच्या शेतातून ३५० पेंढ्या कडबा त्यांच्याच ट्रॅक्टरमध्ये भरला. त्यानंतर ते ट्रॅक्टरने शेगावकडे जात असताना मदरशाजवळील हॉटेल मालक अल्ताफ देशमुख यांनी ट्रॅक्टरने पेटला घेतल्याचे पाहिले.
त्यांनी ट्रॅक्टर मालकाला आवाज देऊन ट्रॅक्टरने पेट घेतल्याची माहिती दिली. त्यामुळे नाजीम यांनी ट्रॅक्टर तेथेच थांबवला आणि ग्रामस्थांच्या मदतीने पेटलेली ट्रॉली ट्रॅक्टरपासून वेगळी केली.
गावक-यांनी ट्रॉलीची आग विझवण्याचे भरपूर प्रयत्न केले. पण कडबा व ट्रॉलीचे टायर-ट्यूब पूर्णपणे जळाल्याने ट्रॅक्टरमालकाचे मोठ्या प्रमाणात नुकसान झाले.
https://www.dailymotion.com/video/x844qs5