कुरूम (जि. अकोला), दि. १३- अज्ञात वाहनाच्या धडकेत अंदाजे ५५ वर्षीय इसमाचा जागीच मृत्यू झाल्याची घटना राष्ट्रीय महामार्ग क्र. ६ वर नवसाळ फाट्यासमोर शनिवार, १२ नोव्हेंबर रोजी रात्री १२.0५ वाजताच्या दरम्यान घडली.अज्ञात वाहन चालकाने आपले वाहन निष्काळजीपणे चालवून रस्त्याने जाणार्‍या अंदाजे ५५ वर्षीय अज्ञात इसमास धडक दिली. यात त्याचा जागीच मृत्यू झाला. अज्ञात मृतकाच्या अंगावर पांढर्‍या रंगाचे शर्ट, पांढर्‍या रंगाचे धोतर असून, उंची अंदाजे १६0 से. मी., रंग सावळा, केस काळे, समोरील दात पडलेले आहेत. या इसमाची ओळख पटल्यास पोलीस स्टेशन माना पोलीस चौकी कुरूम येथे संपर्क साधावा, असे आवाहन करण्यात आले आहे. याप्रकरणी अज्ञात वाहनचालकाविरुद्ध कलम २७९, ३0४ अ भादंवि अन्वये माना पो. स्टे. येथे गुन्हा दाखल करण्यात आला आहे. पुढील तपास हे.काँ. नरेंद्र पदमने करीत आहेत.
वाहनाच्या धडकेत अज्ञात इसमाचा मृत्यू
By admin | Updated: November 14, 2016 02:58 IST