ट्रकची समोरासमोर धडक ; चालक गंभीर जखमी

पातूर-बाळापूर मार्गावर अपघातात चालक गंभीर जखमी.

वाडेगाव(जि. अकोला), दि. १४ : पातूरकडून बाळापूरकडे जाणार्‍या एका ट्रकची व विरुद्ध दिशेने येणार्‍या दुसर्‍या ट्रकची वाडेगावतील गुरुकुल कॉलनीजवळ समोरासमोर धडक झाल्याची घटना १४ सप्टेंबरच्या रात्री ९ वाजता घडली. ऑइलचे डब्बे भरलेला एच.आर. ५५ जे ७९८९ क्रमांकाचा ट्रक बुधवारी रात्री पातूरकडून बाळापूर जात असताना त्याची व विरुद्ध दिशेने येणार्‍या एच.आर. ३८ एल ६८१२ क्रमांकाच्या ट्रकची गुरुकुल कॉलनीजवळ समोरासमोर धडक झाली. या अपघातात बाळू आनंद डापरवार चालक जखमी झाला. हा अपघात एक ट्रकचालक खड्डा चुकवित असताना झाल्याची माहिती एका प्रत्यक्षदश्रीने दिली. दुसर्‍या ट्रकच्या चालकाने अपघातानंतर घटनास्थळावरून पळ काढला. त्यानंतर तो स्वत:हून पोलिसांच्या स्वाधीन झाला. या घटनेची माहिती मिळताच वाडेगाव पोलीस चौकीचे उपनिरीक्षक रणजितसिंह ठाकूर, पोलीस हेड कॉन्स्टेबल जामनिक व सोळंके आदींनी घटनास्थळी पोहोचून पंचनामा केला. पुढील तपास पोलीस करीत आहेत.