मूर्तिजापूर : विधानसभा मतदारसंघातील मतदार यादीत फोटो नसलेल्या मतदारांनी आपले नाव मतदार यादीत कायम राहण्यासाठी बीएलओंकडे दोन दिवसांत फोटो देण्याचे आवाहन उपविभागीय अधिकारी तथा मतदान नोंदणी अधिकारी अभयसिंह मोहिते यांनी केले आहे.
मूर्तिजापूर विधानसभा मतदारसंघातील मतदार यादीत फोटो नसलेले तब्बल १५ हजार ९७ मतदार असून, त्यापैकी तालुक्यातील ८ हजार ५६ व बार्शिटाकळी तालुक्यातील ७ हजार ९४१ असे मतदार आहेत. या मतदारांसंदर्भात फोटो जमा करण्याबाबतचा आढावा आयुक्त व जिल्हाधिकाऱ्यांनी घेतला आहे. त्याप्रमाणे, उपविभागीय अधिकाऱ्यांनी बीएलओंचा मतदारांचे फोटो जमा करण्याबाबत आढावा घेतला. यामध्ये बरेच मतदार स्थलांतरित असल्याचे आढळून आले आहे. त्यामुळे ज्या मतदारांचे मतदार यादीमध्ये फोटो नाहीत, अशा मतदारांना आपला पासपोर्ट फोटो संबंधित बीएलओंकडे तीन दिवसांच्या आत जमा करावा, अन्यथा त्यांची नावे मतदार यादीमधून कमी करण्यासाठी प्रस्तावित करण्यात येणार आहे. त्यामुळे मतदारांनी फोटो त्वरित जमा करावे, असे आवाहन उपविभागीय अधिकारी तथा मतदान नोंदणी अधिकारी अभयसिंह मोहिते व तहसीलदार तथा सहायक मतदार नोंदणी अधिकारी प्रदीप पवार यांनी केले आहे.