ऑनलाइन लोकमत
जामठी, दि. २९ - येथील शेतक-यांच्या म्हशीने २९ ऑक्टोबर रोजी दोन धड, आठ पाय व एक तोंड असलेल्या विचित्र वगारुला जन्म दिला. या वगारुचा जन्मानंतरच मृत्यू झाला.
गावातील प्रगतीशील शेतकरी मनोहर महादेव ठाकरे यांच्या म्हशीने २९ ऑक्टोबर रोजी सकाळी ११.३० वाजता एका विचित्र वगारु जन्म दिला. या वगारुस एक तोंड, दोन धड व आठ पाय आहेत. दोन्ही धड मादी असल्याचे पशु वैद्यकीय तज्ज्ञ डॉ.राजेश वानखडे यांनी सांगितले. विचित्र वगारु पाहण्यासाठी परिसरातील ग्रामस्थांनी ठाकरे यांच्या निवासस्थानी मोठी गर्दी केली होती.