अकोला : अकोट फाईल पोलीस ठाण्याच्या हद्दीतील भीमवाडी भीम नगर परिसरात सुरू असलेल्या जुगार अड्ड्यावर पोलीस अधीक्षक जी श्रीधर यांच्या पथकाने शुक्रवारी धाड टाकली़ या ठिकाणावरून एका जुगाऱ्यास ताब्यात घेण्यात आले असून त्याचा साथीदार फरार झाला़ भीम नगर परिसरात अविनाश महादेव गायकवाड व त्याचा साथीदार रोहित दादाराव भोसले हे दोघेजण जुगार अड्डा चालवीत असल्याची माहिती पोलीस अधीक्षकांच्या विशेष पथकाचे प्रमुख विलास पाटील यांना मिळाली.
या माहितीवरून त्यांनी पथकासह पाळत ठेवून जुगार अड्ड्यावर छापा टाकला़ या ठिकाणावरून अविनाश गायकवाड वय ३१ वर्ष राहणार भीम चौक यास ताब्यात घेतले तर या दरम्यान रोहित भोसले वय २८ वर्षे राहणार भीम नगर हा पळून गेला़ या दोघांविरुद्ध आकोट फाईल पोलीस ठाण्यात महाराष्ट्र जुगारबंदी कायद्या अंतर्गत गुन्हा दाखल करण्यात आला आहे़ त्यांच्याकडून रोख व मुद्देमाल जप्त करण्यात आला आहे़ ही कारवाई पोलीस अधीक्षक जी श्रीधर, अपर पाेलिस अधिक्षक माेनीका राऊत यांच्या मार्गदर्शनाखाली विशेष पथकाचे प्रमुख विलास पाटील व त्यांच्या पथकाने केली़