अकोला जिल्ह्यात कोरोनाचा कहर सुरूच असून, शनिवारी जिल्ह्यात आणखी दहा रुग्णांच्या मृत्यूची नोंद झाल्याने कोरोना मृत्यूचा आकडा ५५५ वर गेला आहे. आरटीपीसीआर चाचण्यांमध्ये ४४६ तर रॅपिड अँटिजन चाचण्यांमध्ये २१० असे एकूण ६५६ पॉझिटिव्ह रुग्ण आढळून आल्यामुळे एकूण बाधितांची संख्या ३३,२७५ वर पोहोचली आहे. एकाच दिवशी एवढे रुग्ण सापडण्याची ही पहिलीच वेळ आहे.शासकीय वैद्यकीय महाविद्यालयाच्या व्हीआरडीएल लॅबकडून शनिवारी आरटीपीसीआर चाचण्यांचे २१५१ अहवाल प्राप्त झाले. यापैकी ४४६ जणांचे अहवाल पॉझिटिव्ह आले आहेत़
बुलडाणा जिल्ह्यात काेराेनाबाधितांंचा आकडा धडकी भरवणारा आहे़ दरराेज हा आकडा ११०० शेच्या वर असून, शनिवारी १,२८५ काेराेना रुग्ण वाढले आहेत़ तर सहा जणांचा मृत्यू झाला आहे़ या जिल्ह्यात काेराेनाबाधितांसह मृतांची संख्याही वाढत आहे़ आतापर्यंत ३२८ जणांचा मृत्यू झाला आहे़ सध्या ६,५७४ काेराेना रुग्णांवर विविध रुग्णालयांत उपचार सुरू आहेत़ आजमितीस जिल्ह्याची काेराना रुग्णसंख्या ५१,२८१ झाली आहे़
वाशिम जिल्ह्यातही काेराेनाबाधितांचा आकडा वाढून शनिवारी ६२० पर्यंत पाेहाेचला आहेे़ तर ८ जणांचा मृत्यू झाला आहे़ हा मृत्यूचा आकडा सर्वाधिक आहे़ एकूण आतापर्यंत २२९ जणांचा मृत्यू झाला आहे़ सध्या विविध रुग्णालयांत ३,७७२ काेराेना रुग्ण उपचार घेत आहेत़ एकूण पॉझिटिव्ह रुग्णांचा आकडा हा २१,७९४ झाला आहेे़