महसूल विभागातील दोन लिपिक निलंबित

विनापरवानगी कार्यालयात गैरहजर राहिल्याने निलंबन.

अकोला: विभागीय आयुक्त आणि जिल्हाधिकार्‍यांच्या आदेशानुसार महसूल विभागातील दोन कनिष्ठ लिपिकांना निलंबित करण्यात आले. त्यापैकी एका लिपिकास २५ नोव्हेंबर तर दुसर्‍या लिपिकास ४ डिसेंबर रोजी निलंबित करण्यात आले. फटाके विक्रीच्या परवान्यासाठी लाच मागितल्याच्या आरोपात जिल्हाधिकारी कार्यालयातील कनिष्ठ लिपिक व्ही.आर. जाधव यास ३१ ऑक्टोबर २0१३ रोजी लाचलुचपत प्रतिबंधक विभागामार्फत अटक करण्यात आली होती. विभागीय आयुक्तांच्या आदेशानुसार कनिष्ठ लिपिक जाधव यास निलंबित करण्यात येत असल्याचा आदेश जिल्हाधिकारी अरुण शिंदे यांनी गत २५ नोव्हेंबर रोजी दिला. जिल्हाधिकारी कार्यालय अंतर्गत कनिष्ठ लिपिक मुरलीधर चतरकर यांची विभागीय आयुक्त कार्यालयात प्रतिनियुक्ती करण्यात आली होती. विनापरवानगी कार्यालयात गैरहजर राहिल्याने, विभागीय आयुक्तांच्या आदेशावरून कनिष्ठ लिपिक चतरकर यास निलंबित करण्यात येत असल्याचा आदेश ४ डिसेंबर रोजी जिल्हाधिकार्‍यांनी दिला.