अकोला : गेल्या काही वर्षांपासून मोटारसायकली, कार चोरीला जाण्याचे प्रमाण वाढले आहे. एकदा चोरीला गेलेली गाडी परत मिळेल, याची काहीच शाश्वती नाही. पोलिसात तक्रार दाखल करून प्रतीक्षा करण्याशिवाय वाहनमालकाला पर्याय नसतो. पोलिस तपासही रखडल्यामुळे चोरट्यांची वाहनचोरी अगदी सुसाट सुरू आहे. गत दोन वर्षात पाचही पोलिस ठाण्यांतर्गंत एकूण १0५ मोटारसायकली लंपास झाल्या आहेत. नऊ जड वाहनेही लंपास झाली आहेत. अकोला जिल्ह्यासह शहरामध्ये दररोज एक मोटारसायकल चोरीला जाते. एरवी हे प्रमाण खूपच वाढले आहे. एखाद्या ठिकाणी मोटारसायकल, कार उभी करणे हे जोखीम पत्करण्यासारखेच आहे. शहरामध्ये मोटारसायकल, कार चोरणार्या चोरट्यांची टोळीच सक्रिय आहे. शहरात दररोज कुठे ना कुठे मोटारसायकल चोरीला गेल्याची तक्रार पोलिस ठाण्यांमध्ये नोंदविली जाते. पोलिस तक्रार नोंदवून घेतात; परंतु नंतर त्या तक्रारीचे काहीच होत नाही. महागडी मोटारसायकलचा अनेक वर्षांपर्यंत शोधच लागत नाही. अनेक लोक तर मोटारसायकल चोरीला गेली तर पोलिस ठाण्यात तक्रारसुद्धा करीत नाहीत.
** दोन वर्षांमध्ये पोलिस ठाणेनिहाय चोरीस गेलेली वाहनेसिव्हिल लाईन : १८ (मोटारसायकली), २६ सायकलीखदान : २१(मोटारसायकली), १७ सायकली, 0२ ट्रक, 0१ मिनीट्रकरामदासपेठ : २८ मोटारसायकली, ३२ सायकली, २ ट्रक, १ ऑटोरिक्षा आकोट फैल: १२(मोटारसायकली), १६ सायकली, 0३ट्रक, 0१ जीपकोतवाली: २६(मोटारसायकली), 0९ सायकली, 0१ ट्रक, 0१ ऑटोरिक्षा
** व्हीडीआरविषयी जागृतीच नाही...वैज्ञानिक युगात आधुनिक तंत्रज्ञान फार प्रगत होत आहे. चोरीस गेलेल्या गाडीचा शोध अवघ्या काही तासांमध्ये या आधुनिक तंत्रज्ञानामुळे लागू शकतो, तो म्हणजे व्हीडीआर यंत्रणेमुळे; परंतु व्हीडीआर तंत्रज्ञानाबाबत माहिती असूनही नागरिक त्याकडे दर्लक्ष करतात. एवढेच काय, तर साध्या गॅरेजवर २00 ते ३00 रुपयांपर्यंत मिळणारे यू लॉकसुद्धा कोणी ५0 हजार रुपयांच्या मोटारसायकलवर लावायला तयार होत नाही.
** काय आहे व्हीडीआरव्हीडीआर (व्हेईकल डाटा रेकॉर्ड) हे विमानातील ब्लॅक बॉक्ससारखेच काम करते. वाहनाच्या प्रत्येक घडामोडीची नोंद ठेवते आणि उपग्रहामार्फत सर्व्हरला हा तपशील नोंदविते. इग्निशन सुरू केले तर वाहनाची गती, वाहनाचे ठिकाण, अंतर सर्वकाही नोंदविल्या जाते. त्यामुळे अपघात, चोरी झाल्यावर मौल्यवान वस्तूंची वाहतूक करणार्या वाहनांवर देखरेखीसाठी ही यंत्रणा उपयोगी ठरते. छाया: गाडी चोरणार्या चोरट्याचा फोटो वापरावा.