अकोला : रस्त्याच्या दोन्ही बाजूला हातगाड्या, चहाच्या टपर्‍या, भाजी विक्रेत्यांसह मच्छी व मटन विक्रेत्यांनी मांडलेला अतिक्रमित बाजार हटविण्यासाठी गेलेल्या मनपाच्या अतिक्रमण निर्मूलन पथकातील ह्यगजराजह्ण (जेसीबी) वर अज्ञात इसमांनी दगडफेक केल्याची घटना बुधवारी दुपारी आकोट फैल परिसरात घडली. दगडफेकीचा कोणताही परिणाम अतिक्रमण विभागावर न होता, रस्त्यालगतच्या अतिक्रमणाचा सफाया करण्यात आला. या प्रकरणी उत्तर विभागाचे क्षेत्रीय अधिकारी जी.एम. पांडे यांनी आकोट फैल पोलिस ठाण्यात रीतसर तक्रार नोंदवली. शहरातील प्रमुख रस्त्यांसह प्रभागातील गल्लीबोळातही लघू व्यावसायिकांनी अतिक्रमण थाटल्यामुळे सर्वसामान्य अकोलेकर प्रचंड वैतागले आहेत. मोठय़ा नाल्यांचे धापे, गल्लीतील चौक आदी ठिकाणी टिनाच्या टपर्‍या टाकून दुकाने उघडली आहेत. असे अतिक्रमण प्रामुख्याने ह्यस्लम एरियाह्णमध्ये झाल्याचे चित्र आहे. आकोट फैल पोलिस स्टेशन परिसरात रस्त्याच्या दोन्ही बाजूला अतिक्रमित चहाची दुकाने, पानटपर्‍या, भाजी विक्रेत्यांसह मच्छी व मटन विक्रेत्यांनी बाजार मांडला आहे. आकोट फैल भागात जाणार्‍या प्रमुख रस्त्यांवरदेखील किराणा व्यावसायिक, खासगी रुग्णालयांनी टेन शेडच्या माध्यमातून अतिक्रमण थाटल्याचे चित्र आहे. यामुळे या भागात वाहनाचा धक्का लागण्यावरून अनेकदा वादावादी व हाणामारीच्या घटना घडल्याचा इतिहास आहे. परिसरातील नागरिकांच्या तक्रारी लक्षात घेता, मनपाने बुधवारी आकोट फैल पोलिस स्टेशन भागात कारवाईला सुरुवात केली. यामध्ये साधना चौक, आंबेडकर चौक, पूरपीडित कॉलनी, मनपा शाळा क्र.१८, मच्छी मार्केट, मटन मार्केट आदी भागातील अतिक्रमणाचा सफाया करण्यात आला. दुपारी काही अतिक्रमणधारकांना स्वत:हून अतिक्रमण काढण्याची मुभा दिल्यानंतर अतिक्रमण पथकातील कर्मचारी चहा घेण्यासाठी दुकानात आले. ही वेळ साधत काही समाजकंटकांनी ह्यगजराजह्णवर दगडफेक करीत हेड लाईट फोडले. या प्रकारानंतरही पथकाने कारवाई न थांबवता, परिसरातील अतिक्रमण काढण्याचा प्रयत्न केला. कारवाई उपायुक्त दयानंद चिंचोलीकर यांच्या निर्देशानुसार क्षेत्रीय अधिकारी जी.एम.पांडे, अतिक्रमण विभाग प्रमुख विष्णू डोंगरे, प्रवीण मिश्रा, विजय बडोणे, संजय थोरात व सुरक्षा कर्मचार्‍यांनी पार पाडली.
अतिक्रमण हटाव मोहिमेवर दगडफेक
By admin | Updated: June 19, 2014 21:57 IST