ठळक मुद्देराष्ट्रीय महामार्ग क्र. ६ वर एका रेस्टॉरंटसमोर घडला अपघातजबर धडक : कारमधील दोन जण जखमी
लोकमत न्यूज नेटवर्कमूर्तिजापूर : येथील राष्ट्रीय महामार्ग क्र. ६ वर एका रेस्टॉरंटसमोर अकोल्यावरून येत असलेली एम.एच. २0 बीसी ८३१३ क्रमांकाची कार आणि मूर्तिजापूर येथून शेगावकडे जात असलेली एमएच ४0 वाय ५७३९ क्रमांकाची कारंजा आगाराची कारंजा-शेगाव एसटी बसची ११ ऑक्टोबर रोजी समोरासमोर जबर धडक झाल्याने, कारमधील रबर कंपनीचे दोन कर्मचारी किरकोळ जखमी झाले. या अपघातात कारच्या समोरील भागाचा चेंदामेंदा झाला. घटनास्थळी मूर्तिजापूर शहर पोलीस, मूर्तिजापूर आगारप्रमुख अंबुलकर व विजय साबळे यांनी भेट दिली. वृत्त लिहिपर्यंत या अपघातप्रकरणी गुन्हा दाखल करण्यात आला नव्हता. पुढील त पास मूर्तिजापूर शहर पोलीस करीत आहेत. दोन्ही किरकोळ जखमींवर स्थानिक उपजिल्हा रुग्णालयात उपचार करण्यात आले; परंतु जखमींची नावे मिळू शकली नाहीत.