‘सेंट अँन्स’ व ‘प्रभात’ची बाजी

अकोला येथे जिल्हास्तर सुब्रतो मुखर्जी फुटबॉल स्पर्धा.

अकोला: लाल बहादूर शास्त्री क्रीडांगण येथे शुक्रवारी झालेल्या १६ वर्षाआतील जिल्हास्तर सुब्रतो मुखर्जी फुटबॉल स्पर्धेचे विजेतेपद महानगरपालिका क्षेत्रात सेंट अँन्स स्कूलने आणि ग्रामीण क्षेत्रात प्रभात किडस् डे बोर्डिंग स्कूल, सोमठाणा संघाने पटकाविले.शुक्रवारी महानगरपालिका क्षेत्रामध्ये पहिला उपान्त्य सामना सेंट अँन्स व होलीक्रॉस कॉन्व्हेंट संघात झाला. यामध्ये सेंट अँन्सने २-0 ने विजय मिळविला. दुसरा उपान्त्य सामना बालशिवाजी शाळा व विवेकानंद स्कूल संघात झाला. विवेकानंद संघाने सुंदर खेळप्रदर्शन करीत २-0 ने सामना जिंकून अंतिम सामन्यासाठी पात्रता सिद्ध केली. सेंट अँन्स व विवेकानंद स्कूल संघात अंतिम सामना चुरशीचा झाला. सेंट अँन्स संघाने सामना जिंकून स्पर्धेचे विजेतेपद पटकाविले. ग्रामीण क्षेत्रामध्ये प्रभात स्कूल व एमराल्ड स्कूल संघात अंतिम सामना झाला. एकतर्फी झालेल्या या सामन्यात प्रभातने ४-0 ने विजेतेपद पटकाविले. स्पर्धेत पंच म्हणून इलियास खान, इम्रान खान, अंजार अहमद, इरशाद खान, नावेद खान, मोहम्मद अकीब, रहिम खान, सईद खान यांनी काम पाहिले.