विदर्भ मार्केटिंग फेडरेशनच्या अध्यक्षपदी शिंगणे

देऊळगावराजा येथे सर्मथकांनी केला जल्लोष.

देऊळगावराजा (जि. बुलडाणा): सहकार क्षेत्रामध्ये विदर्भात सर्वात मोठी अग्रगण्य असलेल्या विदर्भ को ऑपरेटिव्ह मार्केटिंग फेडरेशनच्या अध्यक्षपदी राज्याचे माजी आरोग्यमंत्री डॉ.राजेंद्र शिंगणे यांची अविरोध निवड झाली असून, उपाध्यक्षपदी माजी आ.सुभाष धोटे यांची वर्णी लागली आहे. निवडणूक निर्णय अधिकारी तथा जिल्हाधिकारी नागपूर यांच्या उपस्थितीत निवडणूक प्रक्रिया नागपूर येथे मंगळवारी पार पडली. यावेळी विदर्भातील सर्व २२ संचालकांची हजेरी होती. अध्यक्ष व उपाध्यक्ष पदाच्या निवडणुकीसाठी नामनिर्देशनपत्र दाखल करण्याच्या पूर्वी सर्व संचालकांची बैठक झाली. त्यानंतर सर्वानुमते सिंदखेडराजाचे माजी आ. डॉ.राजेंद्र शिंगणे यांच्या नावाला अध्यक्षपदासाठी तर उपाध्यक्षपदी चंद्रपूरचे माजी आ.सुभाष धोटे यांच्या नावाला एकमताने संमती मिळाली. त्यामुळे निवडणूक निर्णय अधिकारी यांच्याकडे दोन्ही पदासाठी प्रत्येकी एक अर्ज दाखल करण्यात आल्याने विदर्भ को-ऑपरेटिव्ह मार्केटिंग फेडरेशनच्या अध्यक्षपदी डॉ.राजेंद्र शिंगणे तर उपाध्यक्षपदी सुभाष धोटे यांची अविरोध निवड झाल्याचे जाहीर करण्यात आले. विशेष म्हणजे अध्यक्षपद प्रथमच विदर्भाकडे आले आहे.