अकोला, दि. १- पत्नीला माहेरहून ५0 हजार रुपये आणण्यासाठी आत्महत्येस प्रवृत्त केल्याप्रकरणी जिल्हा व सत्र न्यायालयाने पतीला सात वर्षांच्या सश्रम कारावासासोबतच शारीरिक आणि मानसिक छळ केल्यामुळे तीन वर्षांच्या सश्रम कारावासाची शिक्षा सुनावली. अमरावती जिल्हय़ातील साखरखेडा येथील रहिवासी भानुदास जंगलुजी भालचक्र यांची मुलगी अर्चनाचा विवाह अकोल्यातील रामदासपेठेतील रहिवासी मनोज ऊर्फ अनिल शंकर गवई याच्यासोबत ३0 एप्रिल २00७ रोजी झाला होता. विवाहानंतर काही दिवसांतच अनिल गवई याने अर्चनाला माहेरहून ५0 हजार रुपये आणण्यासाठी तगादा लावला; मात्र अर्चनाने पैसे आणण्यास नकार दिल्याने अनिल गवई याने तिचा छळ केला. छळ असहय़ झाल्यानंतर अर्चनाने जाळून घेतले होते. ७ एप्रिल २0११ रोजी अर्चनाचा सवरेपचार रुग्णालयात मृत्यू झाला. याप्रकरणी दिलेल्या तक्रारीवरून पोलिसांनी अनिल गवई आणि शंकर गवई या दोघांविरुद्ध गुन्हा दाखल केला. तपास उत्तम शेरजे यांनी करून दोषारोपपत्र न्यायालयात सादर केले. न्यायालयाने पाच साक्षीदार तपासले. ठोस पुराव्यावरून ३0४ अन्वये सात वर्षांंची शिक्षा आणि ११ हजार रुपये दंड ठोठावला आणि ४९८ अन्वये तीन वर्षांच्या सश्रम कारावासाची शिक्षा सुनावली व १0 हजार रुपये दंड ठोठावला. दंडाचे २0 हजार रुपये मृतकाच्या वडिलास देण्याचे आदेश न्यायालयाने दिले आहेत. याप्रकरणी सरकार पक्षातफर्े अँड. खोटरे यांनी कामकाज पाहिले.
अर्चनाचा विवाह झाला होता मामेभावाशी
अर्चनाचा विवाह तिचा मामेभाऊ अनिल गवई याच्याशी झाला होता. अर्चनाला आत्या घरी देण्यात आले होते; मात्र अनिल गवई याने पैशांच्या लालसेपोटी अर्चनाचा छळ केला आणि सुखी संसाराची वाट लावली. यामध्ये गवईचे मामा भानुदास भालचक्र यांनी तक्रार दिल्यानंतर त्यांचा भाचा गवई याला सात वर्षांंची शिक्षा झाली.