मिनी ट्रक व कारच्या धडकेत सात जण जखमी

धुळे जिल्ह्यातील शिरपूर येथील भाविकाचा कारला अपघात.

खामगाव : मिनी ट्रक व कारच्या धडकेत सात जण जखमी झाले. शिरपूर जिल्हा धुळे येथील भाविक शेगाव येथून दर्शनानंतर आपल्या कार क्रमांक एमएच१८-एजे१३0१ ने खामगावकडे येत असताना समोरुन येणार्‍या मिनी ट्रक क्रमांक एमएच१४-३0७८ व उपरोक्त क्रमांकाच्या भाविकांच्या कारची लासुरा फाट्यानजीक समोरासमोर धडक झाली. या अपघातात कारमधील प्रवासी भाविक ज्ञानेश्‍वर अर्जुन पाटील (वय ६२), सिंधुबाई ज्ञानेश्‍वर पाटील (वय ५८), डॉ.गुलाब ज्ञानेश्‍वर पाटील (वय ३८), वर्षा गुलाब पाटील (वय २८) यांच्यासह मिनी ट्रकमधील नर्मदा ओंकार बोंबटकार (वय ६५), नुराबाई भगवान अतरकार (वय ४0) व गयाबाई भिकाजी इंगळे (वय ५0) रा. पिंपळगाव राजा असे सात जण जखमी झाले. या अपघाताची माहिती मिळताच १0८ क्रमांकाच्या रुग्णवाहिकेसह रुग्णवाहिकेमधील डॉक्टर श्रीकृष्ण इंगळे व चालक गणेश अपार यांनी तातडीने घटनास्थळ गाठून या अपघातातील जखमींना उपचारासाठी स्थानिक सामान्य रुग्णालयात आणल्यानंतर त्यांच्यावर उपचार करण्यात आले.