पोलीस सूत्रांनी दिलेल्या माहितीनुसार, पिंजर
पोलीस स्टेशनचे ठाणेदार पडघान व त्यांचे सहकारी शनिवारी सकाळी पेट्रोलिंग करीत असताना नऊ गायींना कोंबून नेत असल्याची गुप्त माहिती मिळाली. त्यानुसार पोलिसांनी भेंडी काझी- खेर्डा भागाई रस्त्याने जात असलेले मालवाहू (एम.एच. ३०, बी.डी. २७७४)चा पाठलाग करून थांबवली. वाहनाची तपासणी केली असता त्यामध्ये निर्दयीपणे कोंबून ठेवलेल्या आठ गायी व एक वासरू आढळून आले. याप्रकरणी आरोपी अब्दुल मतीन अब्दुल नबी (रा. महान) यास अटक करून त्याच्याविरुद्ध गुन्हा दाखल करण्यात आला आहे. ही कारवाई ठाणेदार महादेवराव पडघान, जमादार भीकासिंग जाधव, पोलीस कॉन्स्टेबल भगवान शिंदे, संतोष हिराळकर, ज्ञानेश्वर राठोड, गोपाल आकोटकर, सतीश कथे, मुकेश जाधव, भगवान मात्रे, आदींनी केली आहे.