अकोला: अकोल्याचे खासदार संजय धोत्रे यांना हृदयविकाराचा झटका आल्याची अफवा शनिवारी दुपारी शहरात पसरली. त्यामुळे भाजपच्या कार्यकत्र्यांसह लोकांमध्ये सुध्दा खळबळ उडाली होती. परंतु खा. धोत्रे यांची प्रकृती अगदी ठणठणीत असून ते नियमित चेकअपसाठी रुग्णालयात गेले होते.
खा. संजय धोत्रे यांना मानेचा व पाठीचा त्रास असल्यामुळे ते नेहमीच डॉक्टरकडे चेकअपसाठी जात असतात. नेहमीप्रमाणे शुक्रवारी रात्री सुध्दा ते डॉक्टरांकडे नियमित चेकअप करण्यासाठी रुग्णालयात गेले होते. डावा हात आणि खांदा दुखत असल्याने डॉक्टरांनी काही तपासण्या केल्या. तपासनी झाल्यानंतर डॉक्टरांनी खा. धोेत्रे यांना काही वेळ कोणतेही काम न करता आराम करण्याचा व थोडा उपचार घेण्याचा सल्ला दिला. परंतु शनिवारी सकाळी ११ वाजेच्या सुमारास शहरात खा. संजय धोत्रे यांना हृदयविकाराचा झटका आल्याची अफवा पसरली. या अफवेमुळे भाजप कार्यकत्र्यांसह नागरिकांमध्ये खळबळ उडाली होती. प्रत्येक जण खा. संजय धोत्रेंच्या प्रकृतीबाबत माहिती जाणून घेण्यासाठी एकमेकांना फोन करीत होते. त्यामुळे ही अफवा आणखी जोरात पसरली. दुपारनंतर खा. संजय धोत्रे यांचा आपण अगदी ठणठणीत असल्याबाबतचा व्हिडीओ सोशल मिडीयावर व्हायरल झाला. या व्हिडीओत त्यांनी आपली प्रकृती चांगली असून आपण नियमित चेकअपसाठी रुग्णालयात आलो होतो. कार्यकत्र्यांनी, हितचिंतकांनी काळजी करण्याचे कारण नाही असे सांगून कोणत्याही अफवांवर विश्वास ठेवू नये असे आवाहन केले.