तूर नोंदणी करण्याचे आवाहन
अकाेला : आधारभूत किंमत खरेदी योजनेंतर्गत नाफेडच्या वतीने शासकीय तूर खरेदी करण्यात येणार आहे. तूर खरेदीसाठी शेतकऱ्यांची नोंदणी सुरू झालेली आहे. त्यामुळे शेतकऱ्यांनी नोंदणी करावी, असे आवाहन शेतकरी सहकारी खरेदी-विक्री समितीकडून करण्यात आले आहे.
रेल्वे स्थानकावरील हमालांवर उपासमारीचे संकट
अकाेला : काेराेनामुळे रल्वेची सेवा ठप्पच हाेती. सध्या सुरू झालेली सेवाही मर्यादित आहे. त्यामुळे प्रवाशांची फारशी गर्दी नसते, परिणामी स्थानकावरील हमालांवर उपासमारीची वेळ आली आहे. या हमालांसाठी सरकार व रेल्वे विभागाने आर्थिक मदत द्यावी, अशी मागणी विशाल तायडे, गणेश शेंडे, संदीप माेडक, मेहमुद खान यांनी केली आहे.
नाल्याचे बांधकाम निकृष्ट दर्जाचे; आंदाेलनाचा इशारा
अकाेला : येथील खदान नाका ते जेतवन नगर येथील नाल्याचे बांधकाम सुरू असून ते अत्यंंत खराब व निकृष्ट दर्जाचे झाले आहे. हा नाला अरुंद असून त्यामध्ये याेग्य दर्जाचे साहित्य वापरले नसल्याचा आराेप बहुजन समाज विकास संघटनेच्या वतीने करण्यात आला आहे. या संदर्भात दखल न घेतल्यास शे. इरफान शे. सुलतान यांनी पत्रकात आंदाेलनाचा इशाराही दिला आहे.