पातूर तालुक्यातील सरपंचपदाचे आरक्षण जाहीर

पातूर : तालुक्‍यातील ५७ ग्रामपंचायतींपैकी २३ ग्रामपंचायत निवडणुका पार पडल्या असून तालुक्‍यातील ग्रामपंचायतींच्या सरपंचपदाची प्रवर्गनिहाय आरक्षण सोडत सोमवारी पातूर तहसील कार्यालयात तहसीलदार दीपक बाजड यांच्या दालनात काढण्यात आली. एक महिन्यापूर्वी आस्टुल ग्रामपंचायतीचे आरक्षण ईश्वर चिठ्ठीने काढण्यात आले होते. त्यात बदल होऊन खामखेड ग्रामपंचायतचे आरक्षण नामाप्र करण्यात आले. यापूर्वी काढलेल्या अनुसूचित जाती व अनुसूचित जमाती आरक्षणात बदल होणार नाही, याची खबरदारी घेण्याचे निर्देश शासनाच्या ग्रामविकास विभागाने जिल्हाधिकाऱ्यांना दिले. त्या अनुषंगाने पातूरच्या तहसील कार्यालयाच्या दालनात तहसीलदार दीपक बाजड यांच्या उपस्थितीत अनुसूचित जाती व अनुसूचित जमातीचे आरक्षण जैसे थे ठेवून व गेल्या महिन्यापूर्वी काढलेले आस्टुल ग्रामपंचायत आरक्षण नामाप्र रद्द झाले आहे. त्यात बदल झाला आहे. खामखेड ग्रामपंचायतीचे आरक्षण नामाप्र झाले आहे. अनुसूचित जातीसाठी भंडारज खुर्द, नांदखेड, वाहाळा बु., पहाडसिंगी, बेलुरा खुर्द बोडखा, पिंपळडोळी, अंबाशी, असोला, पास्टुल, पांढुर्णा, अनुसूचित जमातीसाठी दिग्रस खुर्द, देऊळगाव, आलेगाव, शिरला, सस्ती, चरणगाव, विवरा, चतारी तर नागरिकांचा मागास प्रवर्गसाठी भंडारज बु., मळसूर बाबुळगाव, गावंडगाव, तांदळी खुर्द, शेकापूर, राहेर, पिंपळखुटा, बेलुरा खुर्द, राजुरा, सांगोळा, सावरखेड, जाम, गोंधळवाडी, खामखेड, सर्वसाधारणसाठी आगीखेड, तुलंगा बु., सुकळी, कार्ला, उमरा, तुलंगा खुर्द, चोंढी सावरगाव, नवेगाव, तांदळी बु., पांगरताटी, अंधारसांगवी, चांगेफळ, कोसगाव, झरंडी, दिग्रस बुद्रुक, खानापूर, खेट्री, कोठारी बुद्रुक, सायवनी, मलकापूर गावांचा समावेश आहे.