प्रभाग २0 मध्ये भाजपसाठी प्रतिष्ठेचा

प्रभाग २0मध्ये आजी माजी पदाधिकारी.

अकोला, दि. १७- शिवसेनेमुळे उपमहापौर पद मिळालेले विनोद मापारी यांनी आता भाजपात प्रवेश करून रिंगणात उतरले आहेत याच प्रभागात माजी महापौर सुमनताई गावंडे या सुद्धा रिंगणात असल्याने प्रभाग २0 हा प्रतिष्ठेच्या लढतीचा प्रभाग झाला आहे. अ प्रवर्गात भाजपकडून नगरसेवक विजय इंगळे, राष्ट्रवादीचे राहुल इंगोले, काँग्रेसचे दिलीप जव्हेरी, भारिपच्या सुवर्णा जाधव, मनसेचे उज्‍जवल मेश्राम, शिवसेनेकडून अविनाश मोरे आणि एक अपक्ष असे एकूण सात उमेदवार निवडणूक रिंगणात आहेत. ब प्रवर्गात भाजपकडून पहिल्या माजी महापौर सुमनताई गावंडे, काँग्रेसकडून विजया पाटील, राष्ट्रवादीकडून योगिता शेळके, शिवसेनेकडून योगेश्‍वरी गजानन हरणे आणि एक अपक्ष असे एकूण सात उमेदवार निवडणूक रिंगणात आहेत. ह्यकह्ण प्रवर्गात काँग्रेसकडून पद्मिनी काळे, शिवसेनेकडून माधुरी प्रकाश गवळी, भाजपकडून शारदा वैकुंठ ढोरे, भारिप-बमसंकडून पुष्पा पांडे, राष्ट्रवादीकडून माजी नगरसेवक शिवा मोहोड यांच्या पत्नी किरण मोहोड आणि दोन अपक्ष असे एकूण आठ उमेदवार निवडणूक रिंगणात आहेत. येथे शारदा ढोरे नावाच्या नामसाम्य असलेल्या दोन उमेदवार आहेत. ह्यडह्ण प्रवर्गात राष्ट्रवादीकडून महेंद्र काळे, भारिपकडून संजय काळे, शिवसेनेकडून विकास चोपडे, काँग्रेसकडून प्रल्हाद ढोरे, भाजपकडून विनोद मापारी आणि दोन अपक्ष असे एकूण सात उमेदवार निवडणूक रिंगणात आहेत. येथे शैलेष अंदुरकर या अपक्ष उमेदवाराने पर्यावरण स्नेही प्रचार करुन लक्ष वेधले आहे.