मूर्तिजापूर : तालुक्यातील ग्रामीण पोलीस स्टेशन हद्दीतील येत असलेल्या सिरसो गायरान परिसरात एक महिला गावठी दारू गाळत असलेल्या हातभट्टीवर पोलिसांनी २९ जुलै रोजी संध्याकाळी ५ वाजता छापा घालून ५ हजाराचा मुद्देमाल जप्त केला.
ग्रामीण पोलिसांना मिळालेल्या गुप्त माहितीवरून सिरसो गायरान येथे मायाबाई गजानन घोसले ही महिला गावठी दारू गाळून विक्री करीत असल्याची माहिती मिळाली असता पोलिसांनी छापा घालून सदर महिलेकडून मोह सडवा असलेले दोनशे लिटरचे दोन ड्रम किंमत चार हजार रुपये व दहा लिटर गावठी दारू किंमत एक हजार रुपये असा पाच हजार रुपयाचा मुद्देमाल जप्त केला. सदर कारवाई पोलीस उपनिरीक्षक सत्यजित मानकर, हेड कॉन्स्टेबल गोपाल भावाने, महिला पोलीस शिपाई वैशाली, पोलीस शिपाई नितीन, रितेश यांनी करून सदर महिला आरोपीविरुद्ध ६५ ई (फ) कलमान्वये गुन्हा दाखल केला.