तालुका आरोग्य अधिकारी जखमी
अकोट : अकोट तालुका आरोग्य अधिकारी डॉ. सुभाष तोरणेकर हे अकोट येथून कामकाज आटोपून चारचाकी गाडीने अकोल्याकडे जात असताना, बुधवारी रात्री ११ वाजताच्या सुमारास त्यांच्या गाडीचा अपघात झाला. यात त्यांना किरकोळ दुखापत झाली.
जि.प. शेष फंडातून तलंगा पक्ष्यांचे वाटप
चोहोट्टा बाजार : जिल्हा परिषद पशुसंवर्धन विभागाच्यावतीने शेष फंडातून ६६६ लाभार्थ्यांना तलंगा पक्ष्यांचे बुधवारी वाटप करण्यात आले. सभापती पंजाबराव वडाळ, पशुवैद्यकीय अधिकारी निचळ, डॉ. रंजवे, टाकळीचे सरपंच मंगेश ताडे, करतवाडीचे सरपंच सुदर्शन किरडे, रेलचे सरपंच शंकर घुगरे उपस्थित होते.
कोरोना लसीकरणाबाबत जनजागृती
मूर्तिजापूर: कोरोनाचा प्रादुर्भाव वाढत आहे. असे असतानाही आरोग्य विभागाच्या लसीकरण मोहिमेकडे अनेकजण पाठ फिरवत आहेत. नागरिकांनी कोरोनाची लस घ्यावी, यासाठी नगर परिषदेच्यावतीने जनजागृती करण्यात येत आहे. नागरिकांनी लसीकरणाचा लाभ घेण्याचे आवाहन करण्यात येत आहे.