चतरुमासाचे आयोजन

महाराजांच्या आगमनाप्रीत्यर्थ चतरुमासाचे आयोजन करण्यात आले आहे.

अकोला : आचार्य १0८ कर्मविजयानंदजी महराजांचे शुक्रवार ४ जुलै रोजी न्यू खेताननगर, कौलखेड भागातील भगवान महावीर दिगंबर जैन मंदिरात आगमन झाले आहे. महाराजांच्या आगमनाप्रीत्यर्थ चतरुमासाचे आयोजन करण्यात आले आहे. सोमवार १४ जुलै रोजी दुपारी १ ते ४ दरम्यान मंगल कलश स्थापना व त्यानंतर सायंकाळी ५ ते ७ दरम्यान महाप्रसाद वितरित करण्यात येणार आहे. कार्यक्रमाचा लाभ घेण्यासाठी भाविकांनी बहुसंख्येने उपस्थित राहण्याचे आवाहन दिगंबर जैन समाजाच्यावतीने करण्यात आले आहे.