मूर्तिजापूर : दर्यापूर मार्गावरील दुर्गवाडा फाट्यावर अज्ञात कार ने दिलेल्या धडकेत एक दुचाकीस्वार गंभीर जखमी, तर दुसरा किरकोळ जखमी झाल्याची घटना बुधवारी दुपारी १२:३० वाजताच्या दरम्यान घडली. श्याम दादाराव पारडे (२८) राहणार बाभळी, दर्यापूर असे गंभीर जखमी झालेल्या युवकाचे नाव आहे. श्याम दादाराव पारडे (२८) व दिलीप श्रीधर सोळंके (५५) दोघेही राहणार बाभळी दर्यापूर हे एमएच २७ एपी ७९२६ या क्रमांकाच्या दुचाकीवरुनपारडे मूर्तिजापूरकडे येत होते. दरम्यान विरुद्ध दिशेने येणाऱ्या अज्ञात कार ने दिलेल्या जोरदार धडकेत श्याम दादाराव पारडे हा गंभीररीत्या जखमी झाला, असून त्याचा एक पाय संपूर्ण निकामी झाला आहे. तर सोबत असलेले दिलीप सोळंके हे किरकोळ जखमी झाले आहेत. घटनेची माहिती मिळताच येथील वंदेमातरम आपत्कालीन पथकाने घटनास्थळी धाव जखमींना येथील लक्ष्मीबाई देशमुख उपजिल्हा रुग्णालयात उपचारार्थ दाखल केले. श्याम पारडे याची प्रकृती अत्यवस्थ असल्याने पुढील उपचारासाठी त्याला अकोला येथे पाठविण्यात आले आहे. या संदर्भात ग्रामीण पोलीस अधिक तपास करीत आहेत.
कारची दुचाकीस धडक; एक जण गंभीर जखमी
By लोकमत न्यूज नेटवर्क | Updated: February 17, 2021 15:48 IST