दुचाकीच्या अपघातात एकाचा मृत्यू, एक गंभीर

मोहम्मद हबीबोद्दीन मोहम्मद नजमोद्दीन रा. किल्ला परिसर पातूर यांचा उपरादरम्यान मृत्यू झाला.

पातूर : अकोला-पातूर रोडवरील भंडारज फाट्यावर दुचाकीला अपघात होऊन एका व्यक्तीचा मृत्यू झाला असून, एक जण गंभीर जखमी असल्याचे कळते.सविस्तर वृत्त असे की, मो. हबीबोद्दीन मो. नजमोद्दीन रा. किल्ला परिसर पातूर व सैयद नासिर सैयद शेर अली रा. अकोला हे दोघे एमएच ३० एयू २४३० क्रमांकाच्या दुचाकीने अकोल्याकडून पातूरकडे येत असताना भंडारज फाट्यानजिक अचानक रोही आडवा येऊन दुचाकीवर धडकला. यात दोघांनाही गंभीर मार लागला. पातूर पोलिसांनी नागरिकांच्या मदतीने दोन्ही जखमींना पुढील उपचाराकरिता शासकीय रुग्णालय अकोला येथे हलविण्यात आले असता मोहम्मद हबीबोद्दीन मोहम्मद नजमोद्दीन रा. किल्ला परिसर पातूर यांचा उपरादरम्यान मृत्यू झाला.यावेळी घटनास्थळी एएसआय. दिनकर गुडदे, पोलीस कॉस्टेबल अनिल भुसारे यांनी जखमींना पुढील उपचारासाठी अकोला येथे हलविले. पुढील तपास सहायक पोलीस निरीक्षक जी. जी. बायसठाकूर यांच्या मार्गदर्शनात पोहेकॉ. भाष्कर इंगळे करीत आहेत या परिसरात रोही आडवे गेल्याने आतापर्यंत तीन घटनांमध्ये तीन जणांचा मृत्यू झाला आहे. (तालुका प्रतिनिधी)