सहा जण जखमी: कोळंबीनजीकची घटना
कुरणखेड: राष्ट्रीय महामार्गावर बोरगाव मंजू पोलीस ठाण्याच्या हद्दीतील कोळंबी बस थांब्यानजीक तीन वाहनांच्या तिहेरी अपघातात सहा जण जखमी, तर एक ठार झाल्याची घटना शुक्रवारी दुपारी ४ वाजेच्या दरम्यान घडली. मो. अनवर इब्राहिम शेख असे मृतकाचे नाव आहे.
सूत्रांनी दिलेल्या माहितीनुसार, अकोलाकडून मूर्तिजापूरकडे ट्रक क्रमांक (एमएच ४० वाय ८७०९) जात होता. दरम्यान, विरुद्ध दिशेने अकोलाकडे जाणारा मालवाहू ट्रक क्रमांक (एमएच ०४ एचडी ६९९७) या दोन वाहनांचा समोरासमोर अपघात झाला. दरम्यान, या अपघातात आयशर ट्रकचा चालक मो. अनवर इब्राहिम शेख (४८, रा. नागपूर) यांचा मृत्यू झाला. अपघात एवढा भीषण होता की, आयशर ट्रकच्या केबिनचा चुराडा झाला. यामध्येच अडकून चालकाचा मृत्यू झाला. दरम्यान, या अपघातानंतर अकोल्याकडून मूर्तिजापूरकडे जाणारी ट्रॅव्हल्स क्रमांक (एमएच १९ एच ७७५५) या दोन वाहनांच्या अपघातानंतर आयशर गाडीला जाऊन पाठीमागून धडकली. या ट्रॅव्हल्समधील पाच जण जखमी झाले. घटनेची माहिती पोलिसांना मिळताच घटनास्थळावर सुनील सोळंके, अरुण गोपनारायण, सतीश सपकाळ, संजय इंगळेसह पोलिसांनी घटनास्थळावर धाव घेऊन केबिन तोडून मृतदेह बाहेर काढून उत्तरीय तपासणीसाठी शासकीय रुग्णालयात दाखल केला. पुढील तपास बोरगाव पोलीस करीत आहेत. (फोटो)